Baruch ben Neriah 5
The Letter of Baruch ben Neriah
܀ ܒܪܘܟ ܒܪ ܢܪܝܐ ܗ ܀
1 ܡܶܛܽܠ ܗܳܢܳܐ ܐܰܚܰܝ̈ ܟܶܬܒܶܬ ܠܟܽܘܢ. ܕܰܐܝܟܰܢܳܐ ܬܶܬܒܰܝܽܐܘܢ ܡܶܢ ܣܽܘܓܳܐܐ ܕܥܳܩ̈ܳܬܟܽܘܢ.
2 ܗܘܰܝܬܽܘܢ ܕܶܝܢ ܝܳܕܥܺܝܢ: ܕܡܶܬܒܰܥ ܬܳܒܰܥ ܠܰܢ ܥܳܒܽܘܕܰܢ ܡܶܢ ܟܽܠܗܽܘܢ ܒܥܶܠ̈ܕܒܳܒܰܝܢ: ܐܰܝܟ ܟܽܠܡܳܐ ܕܰܥܒܰܕܘ ܠܰܢ. ܐܳܦ ܕܝܰܬܺܝܪܳܐܺܝܬ ܩܰܪܺܝܒ ܗ̱ܽܘ ܫܽܘܠܳܡܳܐ ܕܥܳܒܶܕ ܡܪܰܝܡܳܐ: ܘܖ̈ܰܚܡܰܘܗ̱ܝ ܢܺܐܬܽܘܢ. ܘܠܳܐ ܗ̱ܘܳܐ ܪܰܚܺܝܩ ܫܽܘܠܳܡܳܐ ܕܕܺܝܢܶܗ.
3 ܗܳܐ ܓܶܝܪ ܚܳܙܶܝܢܰܢ ܗܳܫܳܐ ܣܽܘܓܳܐܐ ܕܡܰܨܠܚܳܢܽܘܬܗܽܘܢ ܕܥܰܡ̱̈ܡܶܐ: ܟܰܕ ܗܶܢܽܘܢ ܡܰܪܫܥܺܝܢ. ܐܶܠܳܐ ܠܗܶܒܠܰܐ ܗ̱ܘ ܕܳܡܶܝܢ.
4 ܘܚܳܝܪܺܝܢܰܢ ܒܣܽܘܓܳܐܐ ܕܽܐܘܚܕܳܢܗܽܘܢ ܟܰܕ ܗܶܢܽܘܢ ܡܰܥܘܠܺܝܢ. ܐܶܠܳܐ ܠܢܽܘܛܦܬܳܐ ܢܶܬܕܰܡܽܘܢ.
5 ܘܚܳܙܶܝܢܰܢ ܫܽܘܪܳܪܶܗ ܕܚܰܝܠܗܽܘܢ. ܟܰܕ ܗܶܢܽܘܢ ܠܽܘܩܒܰܠ ܚܰܝܠܬܳܢܳܐ ܩܳܝܡܺܝܢ ܒܟܽܠ ܫܳܥܳܐ. ܐܶܠܳܐ ܐܰܝܟ ܪܽܘܩܳܐ ܢܶܬܚܰܫܒܽܘܢ.
6 ܘܡܶܬܚܰܫܒܺܝܢܰܢ ܥܰܠ ܬܶܫܒܽܘܚܬܳܐ ܕܪܰܒܽܘܬܗܽܘܢ. ܟܰܕ ܗܶܢܽܘܢ ܠܳܐ ܢܳܛܪܺܝܢ ܦܽܘܩܕܳܢܰܘ̈ܗ̱ܝ ܕܰܡܪܰܝܡܳܐ. ܐܶܠܳܐ ܐܰܝܟ ܬܶܢܳܢܳܐ ܢܶܥܒܪܽܘܢ.
7 ܘܪܳܢܶܝܢܰܢ ܥܰܠ ܫܽܘܦܪܳܐ ܕܚܰܝܽܘܬܗܽܘܢ. ܟܰܕ ܗܶܢܽܘܢ ܒܛܰܢܦܽܘܬܳܐ ܡܶܬܕܰܒܪܺܝܢ. ܐܶܠܳܐ ܐܰܝܟ ܥܶܣܒܳܐ ܕܚܳܡܶܐ ܢܺܐܒܫܽܘܢ.
8 ܘܡܶܬܚܰܫܒܺܝܢܰܢ ܥܰܠ ܥܽܘܫܢܳܐ ܕܩܰܫܝܽܘܬܗܽܘܢ. ܟܰܕ ܗܶܢܽܘܢ ܚܰܪܬܳܐ ܠܳܐ ܡܶܬܕܰܟܪܺܝܢ. ܐܶܠܳܐ ܐܰܝܟ ܓܶܠܳܐ ܕܥܳܒܰܪ ܢܶܫܬܰܚܩܽܘܢ.
9 ܘܡܶܬܒܰܝܢܺܝܢܰܢ ܥܰܠ ܫܽܘܦܪܳܐ ܕܚܰܝܠܗܽܘܢ. ܟܰܕ ܗܶܢܽܘܢ ܟܳܦܪܺܝܢ ܒܛܰܝܒܽܘܬܶܗ ܕܗܰܘ ܕܝܰܗܒ ܠܗܽܘܢ. ܐܶܠܳܐ ܐܰܝܟ ܥܢܳܢܳܐ ܕܥܳܒܪܳܐ ܢܶܥܒܪܽܘܢ.