Syriac Peshitta Bible

2 Esther 3

The additions to Esther (Esther 12)

1 2 3 4 5 6 7

܀ ܒ ܐܣܬܝܪ ܓ ܀

1 ܘܰܒܝܰܘ̈ܡܳܬܳܐ ܗܳܢܽܘܢ ܡܽܘܪܕܟܰܝ ܝܳܬܶܒ ܗܘܳܐ ܒܬܰܪܥܳܐ ܕܡܰܠܟܳܐ ܥܰܡ ܒܰܓܬܳܢ ܘܰܬܪܳܫ ܡܗܰܝܡܢܰܘ̈ܗܝ ܕܡܰܠܟܳܐ ܕܺܐܝܬܰܝܗܽܘܢ ܗܘܰܘ ܢܳܛܖ̈ܰܝ ܬܰܪܥܳܐ.
2 ܘܟܰܕ ܝܺܕܰܥ ܬܰܪܥܺܝܬܗܽܘܢ ܘܰܚܙܳܐ ܡܰܚ̈ܫܒܳܬܗܽܘܢ ܥܰܡܺܝܩܳܐܺܝܬ ܝܺܠܶܦ ܕܒܳܥܶܝܢ ܗܘܰܘ ܠܡܰܘܫܳܛܽܘ ܐܺܝܕܳܐ ܥܰܠ ܡܰܠܟܳܐ ܐܰܪܛܶܚܫܶܫܬ ܘܒܰܕܶܩ ܡܶܠܬܳܐ ܗܳܕܶܐ ܠܡܰܠܟܳܐ.
3 ܘܥܰܩܶܒ ܡܰܠܟܳܐ ܥܰܠ ܗܳܢܳܐ ܣܽܘܥܪܳܢܳܐ. ܘܰܐܘܕܺܝܘ ܒܶܗ ܘܰܐܫܚܠܶܡ ܐܶܢܽܘܢ ܠܡܰܘܬܳܐ.
4 ܘܰܟܬܰܒ ܡܰܠܟܳܐ ܦܶܬܓܳܡܳܐ ܗܳܢܳܐ ܒܰܣܦܰܪ ܥܽܘܗܕܳܢ̈ܶܐ. ܘܳܐܦ ܡܽܘܪܕܟܰܝ ܪܫܰܡ ܕܽܘܟܪܳܢܳܐ ܕܰܥܒܳܕܳܐ ܗܳܢܳܐ ܒܣܶܦܪܳܐ.
5 ܘܦܰܩܕܶܗ ܡܰܠܟܳܐ ܕܰܢܩܽܘܡ ܒܒܰܝܬܳܐ ܕܡܰܠܟܳܐ ܘܝܰܗܒ ܠܶܗ ܡܰܘ̈ܗܒܳܬܳܐ ܥܰܠ ܕܰܐܘܕܥܶܗ ܦܶܬܓܳܡܳܐ ܗܳܢܳܐ.
6 ܒܪܰܡ ܗܳܡܳܢ ܒܰܪ ܗܰܡܰܕܰܬ ܐܰܓܳܓܳܝܳܐ ܡܝܰܩܰܪ ܗܘܳܐ ܣܰܓܺܝ ܩܕܳܡ ܡܰܠܟܳܐ ܘܰܒܥܳܐ ܕܢܰܒܐܶܫ ܠܡܽܘܪܕܟܰܝ ܘܰܠܥܰܡܶܗ ܬܪܶܝܢ ܡܗܰܝܡܢܰܘ̈ܗܝ ܕܡܰܠܟܳܐ ܕܶܐܬܩܛܶܠܘ

← Next Previous →