Jesus Sirach 43
The Book of Jesus Sirach
܀ ܝܫܘܥ ܒܪ ܐܣܝܪܐ ܡܓ ܀
1 ܥܒܰܕ ܫܶܡܫܳܐ ܠܡܶܚܙܳܐ: ܡܳܐܢܳܐ ܕܬܶܕܡܽܘܪܳܬܳܐ: ܥܒܳܕܶܗ ܕܰܡܪܰܝܡܳܐ.
2 ܒܰܡܨܰܥܬܶܗ ܕܛܰܗܪܳܐ ܡܰܘܩܶܕ ܠܳܗ̇ ܠܰܐܪܥܳܐ. ܘܰܩܕܳܡ ܚܽܘܡܶܗ ܡܰܢܽܘ ܡܶܫܟܰܚ ܠܰܡܩܳܡ.
3 ܥܰܠ ܟܽܘܪܳܐ ܕܢܳܦܰܚ ܒܰܥܒܳܕܳܐ ܕܩܰܝܢܳܝܳܐ: ܚܰܕ ܬܠܳܬܳܐ ܥܠܰܘܗܝ ܫܶܡܫܳܐ ܡܰܘܩܶܕ ܛܽܘܖ̈ܶܐ. ܠܰܗܓܶܗ ܐܰܝܟ ܥܶܛܪܳܐ ܕܢܽܘܪܳܐ. ܘܡܰܢܗܰܪ ܙܰܠܺܝܩܰܘ̈ܗܝ: ܘܡܰܫܪܶܓ ܥܰܝ̈ܢܶܐ.
4 ܪܰܒ ܗܽܘ ܡܳܪܝܳܐ ܕܥܰܒܕܶܗ. ܘܰܒܡܶܠܰܝ̈ ܩܰܕܺܝܫܳܐ ܣܰܪܗܶܒ ܗܰܠܟ̈ܳܬܶܗ.
5 ܘܣܰܗܪܳܐ ܩܳܐܶܡ ܠܙܰܒܢ̈ܶܐ: ܬܰܚܘܺܝܬܳܐ ܕܙܰܒܢ̈ܶܐ: ܘܳܐܬܳܐ ܕܡܶܢ ܥܳܠܰܡ.
6 ܡܶܢ ܣܰܗܪܳܐ ܓܶܝܪ ܐܳܬܘ̈ܳܬܳܐ ܕܥܺܐܕ̈ܶܐ: ܢܰܗܺܝܪܳܐ ܕܓܳܡܰܪ ܠܰܐ̱ܚܪܳܝܬܳܐ.
7 ܝܰܪܚܳܐ ܐܰܝܟ ܫܡܶܗ ܐܺܝܬܰܘܗܝ. ܘܡܶܬܪܰܒܶܐ ܡܪܰܡܪܡܳܐܺܝܬ ܒܫܽܘܚܠܳܦ̈ܶܐ.
8 ܡܳܐܢܳܐ ܕܡܰܫܪܺܝܬܳܐ ܕܪܰܘܡܳܐ ܕܡܰܢܗܰܪ ܒܰܪܩܺܝܥܳܐ ܕܰܫܡܰܝܳܐ.
9 ܨܶܒܬܳܐ ܕܰܫܡܰܝܳܐ: ܘܬܶܫܒܽܘܚܬܳܐ ܕܟܰܘܟܒ̈ܶܐ.
10 ܒܡܶܠܰܝ̈ ܩܰܕܺܝܫܳܐ ܢܩܽܘܡܽܘܢ ܐܰܝܟ ܕܺܝܢܗܽܘܢ ܘܰܒܪܶܗܛܗܽܘܢ ܠܳܐ ܢܶܫܬܰܚܠܦܽܘܢ.