Numbers 26
The Book of Numbers
܀ ܡܢܝܢܐ ܟܘ ܀
1 ܘܰܗܘܳܐ ܡܶܢ ܒܳܬܰܪ ܡܰܘܬܳܢܳܐ ܕܡܶܢ ܫܶܠܝܳܐ. ܐܶܡܰܪ ܡܳܪܝܳܐ ܠܡܽܘܫܶܐ ܘܠܶܐܠܺܝܥܳܙܳܪ ܒܰܪ ܐܰܗܪܽܘܢ ܟܳܗܢܳܐ.
2 ܩܰܒܶܠ ܚܽܘܫܒܳܢܳܐ ܕܟܽܠܳܗ̇ ܟܢܽܘܫܬܳܐ ܕܰܒܢܰܝ̈ ܝܺܣܪܳܐܶܝܠ. ܡܶܢ ܒܰܪ ܥܶܣܪܺܝܢ ܫܢܺܝ̈ܢ ܘܰܠܥܶܠ ܠܒܶܝܬ ܐܰܒܳܗܰܝ̈ܗܽܘܢ. ܟܽܠ ܕܢܳܦܶܩ ܒܚܰܝܠܳܐ ܒܺܝܣܪܳܐܶܝܠ.
3 ܘܡܰܠܶܠܘ ܡܽܘܫܶܐ ܘܶܐܠܺܝܥܳܙܳܪ ܟܳܗܢܳܐ ܥܰܡܗܽܘܢ. ܒܥܰܪܒܽܘܬ ܡܽܘܐܳܒ ܕܥܰܠ ܝܽܘܪܕܢܳܢ ܕܺܐܝܪܺܝܚܽܘ.
4 ܘܰܡܢܳܐ ܐܶܢܽܘܢ ܡܽܘܫܶܐ ܡܶܢ ܒܰܪ ܥܶܣܪܺܝܢ ܫܢܺܝ̈ܢ ܘܰܠܥܶܠ. ܕܦܰܩܶܕ ܡܳܪܝܳܐ ܠܡܽܘܫܶܐ. ܘܰܒܢܰܝ̈ ܝܺܣܪܳܐܶܝܠ ܕܰܢܦܰܩܘ ܡܶܢ ܐܰܪܥܳܐ ܕܡܶܨܪܶܝܢ.
5 ܪܽܘܒܺܝܠ ܒܽܘܟܪܶܗ ܕܺܝܣܪܳܐܶܝܠ. ܒܢܰܝ̈ ܪܽܘܒܺܝܠ. ܚܢܽܘܟ. ܫܰܪܒܬܳܐ ܕܰܚܢܽܘܟ ܦܰܠܽܘ. ܫܰܪܒܬܳܐ ܕܦܰܠܽܘ.
6 ܚܶܨܪܽܘܢ. ܫܰܪܒܬܳܐ ܕܚܶܨܪܽܘܢ. ܟܰܪܡܺܝ. ܫܰܪܒܬܳܐ ܕܟܰܪܡܺܝ.
7 ܗܳܠܶܝܢ ܫܰܖ̈ܒܳܬܳܐ ܕܪܽܘܒܺܝܠ. ܘܰܗܘܳܐ ܡܶܢܝܳܢܗܽܘܢ. ܐܰܪܒܥܺܝܢ ܘܰܬܠܳܬܳܐ ܐܰܠܦܺܝ̈ܢ ܘܰܫܒܰܥ ܡܳܐܐ ܘܰܬܠܳܬܺܝܢ.
8 ܘܰܒܢܰܝ̈ ܦܰܠܽܘ. ܐܶܠܝܰܐܒ.
9 ܘܰܒܢܰܝ̈ ܐܶܠܝܰܐܒ. ܢܒܽܘܐܶܝܠ. ܘܕܳܬܳܢ. ܘܰܐܒܺܝܪܳܡ ܩܖ̈ܺܝܚܶܐ ܕܰܟܢܽܘܫܬܳܐ. ܕܶܐܬܦܠܶܓܘ ܥܰܠ ܡܽܘܫܶܐ ܘܥܰܠ ܐܰܗܪܽܘܢ ܒܰܟܢܽܘܫܬܶܗ ܕܩܽܘܪܰܚ ܘܶܐܬܦܠܶܓܘ ܥܰܠ ܡܳܪܝܳܐ.
10 ܘܦܶܬܚܰܬ ܐܰܪܥܳܐ ܦܽܘܡܳܗ̇. ܘܒܶܠܥܰܬ ܐܶܢܽܘܢ. ܘܰܠܩܽܘܪܰܚ ܒܡܰܘܬܳܢܳܐ ܕܰܟܢܽܘܫܬܳܐ. ܟܰܕ ܐܶܟܠܰܬ ܢܽܘܪܳܐ ܠܡܰܐܬܶܝܢ ܘܚܰܡܫܺܝܢ ܓܰܒܖ̈ܺܝܢ ܘܰܗܘܰܘ ܠܳܐܬܳܐ.
11 ܘܰܒܢܰܝ̈ ܩܽܘܪܰܚ ܠܳܐ ܡܺܝܬܘ.
12 ܘܰܒܢܰܝ̈ ܫܶܡܥܽܘܢ ܠܫܰܖ̈ܒܳܬܗܽܘܢ. ܝܰܡܽܘܐܶܝܠ. ܫܰܪܒܬܳܐ ܕܝܰܡܽܘܐܶܝܠ. ܝܰܡܢܺܝ. ܫܰܪܒܬܳܐ ܕܝܰܡܢܺܝ. ܝܰܟܺܝܢ. ܫܰܪܒܬܳܐ ܕܝܰܟܺܝܢ.
13 ܙܳܪܳܚ. ܫܰܪܒܬܳܐ ܕܙܳܪܳܚ ܫܳܐܘܳܠ. ܫܰܪܒܬܳܐ ܕܫܳܐܘܳܠ.
14 ܗܳܠܶܝܢ ܫܰܖ̈ܒܳܬܳܐ ܕܫܶܡܥܽܘܢ. ܥܶܣܪܺܝܢ ܘܰܬܪܶܝܢ ܐܰܠܦܺܝ̈ܢ ܘܡܰܐܬܶܝܢ.
15 ܘܰܒܢܰܝ̈ ܓܳܕ ܠܫܰܖ̈ܒܳܬܗܽܘܢ. ܨܶܦܝܽܘܢ. ܫܰܪܒܬܳܐ ܕܨܶܦܝܽܘܢ. ܚܰܓܺܝ. ܫܰܪܒܬܳܐ ܕܚܰܓܺܝ. ܫܽܘܢܺܝ. ܫܰܪܒܬܳܐ ܕܫܽܘܢܺܝ.
16 ܐܳܙܢܺܝ. ܫܰܪܒܬܳܐ ܕܳܐܙܢܺܝ ܥܰܕܺܝ. ܫܰܪܒܬܳܐ ܕܥܰܕܺܝ.
17 ܐܰܪܽܘܕܺܝ. ܫܰܪܒܬܳܐ ܕܰܐܪܽܘܕܺܝ ܐܰܕܺܝܠ. ܫܰܪܒܬܳܐ ܕܰܐܕܺܝܠ.
18 ܗܳܠܶܝܢ ܫܰܖ̈ܒܳܬܳܐ ܕܰܒܢܰܝ̈ ܓܳܕ ܠܡܶܢܝܳܢܗܽܘܢ. ܐܰܪܒܥܺܝܢ ܐܰܠܦܺܝ̈ܢ ܘܚܰܡܶܫ ܡܳܐܐ.
19 ܘܰܒܢܰܝ̈ ܝܺܗܽܘܕܳܐ. ܥܺܝܪ ܐܘܢܳܢ. ܘܡܺܝܬܘ ܥܺܝܪ ܐܘܢܳܢ ܒܰܐܪܥܳܐ ܕܰܟܢܰܥܢ.
20 ܘܰܗܘܰܘ ܒܢܰܝ̈ ܝܺܗܽܘܕܳܐ ܠܫܰܖ̈ܒܳܬܗܽܘܢ. ܫܶܠܳܐ. ܫܰܪܒܬܳܐ ܕܫܶܠܳܐ. ܦܰܪܶܨ. ܫܰܪܒܬܳܐ ܕܦܰܪܶܨ. ܙܳܪܳܚ. ܫܰܪܒܬܳܐ ܕܙܳܪܳܚ.
21 ܘܰܗܘܰܘ ܒܢܰܝ̈ ܦܰܪܶܨ. ܚܶܨܪܽܘܢ. ܫܰܪܒܬܳܐ ܕܚܶܨܪܽܘܢ ܚܳܡܽܘܠ. ܫܰܪܒܬܳܐ ܕܚܳܡܽܘܠ.
22 ܗܳܠܶܝܢ ܫܰܖ̈ܒܳܬܳܐ ܕܰܒܢܰܝ̈ ܝܺܗܽܘܕܳܐ ܠܡܶܢܝܳܢܗܽܘܢ. ܫܰܒܥܺܝܢ ܘܶܫܬܳܐ ܐܰܠܦܺܝ̈ܢ ܘܚܰܡܶܫ ܡܳܐܐ.
23 ܘܰܒܢܰܝ̈ ܐܺܝܣܳܟܳܪ ܠܫܰܖ̈ܒܳܬܗܽܘܢ. ܬܽܘܠܳܥ. ܫܰܪܒܬܳܐ ܕܬܽܘܠܳܥ. ܦܽܘܐܳܐ. ܫܰܪܒܬܳܐ ܕܦܽܘܐܳܐ.
24 ܝܳܫܽܘܒ. ܫܰܪܒܬܳܐ ܕܝܳܫܽܘܒ ܫܶܡܪܽܘܢ. ܫܰܪܒܬܳܐ ܕܫܶܡܪܽܘܢ.
25 ܗܳܠܶܝܢ ܫܰܖ̈ܒܳܬܳܐ ܕܺܐܝܣܳܟܳܪ ܠܡܶܢܝܳܢܗܽܘܢ. ܫܬܺܝܢ ܘܰܐܪܒܥܳܐ ܐܰܠܦܺܝ̈ܢ ܘܰܬܠܳܬ ܡܳܐܐ.
26 ܘܰܒܢܰܝ̈ ܙܒܽܘܠܽܘܢ ܠܫܰܖ̈ܒܳܬܗܽܘܢ. ܣܳܕܳܪ. ܫܰܪܒܬܳܐ ܕܣܳܕܳܪ. ܐܰܠܽܘܢ. ܫܰܪܒܬܳܐ ܕܰܐܠܽܘܢ. ܢܰܚܠܳܐܶܝܠ. ܫܰܪܒܬܳܐ ܕܢܰܚܠܳܐܶܝܠ.
27 ܗܳܠܶܝܢ ܫܰܖ̈ܒܳܬܳܐ ܕܰܙܒܽܘܠܽܘܢ ܠܡܶܢܝܳܢܗܽܘܢ. ܫܬܺܝܢ ܐܰܠܦܺܝ̈ܢ ܘܚܰܡܶܫܡܳܐܐ.
28 ܘܰܒܢܰܝ̈ ܝܰܘܣܶܦ ܠܫܰܖ̈ܒܳܬܗܽܘܢ. ܡܢܰܫܶܐ ܘܰܐܦܪܶܝܡ.
29 ܘܰܒܢܰܝ̈ ܡܢܰܫܶܐ. ܡܳܟܺܝܪ. ܫܰܪܒܬܳܐ ܕܡܳܟܺܝܪ. ܘܡܳܟܺܝܪ ܐܰܘܠܶܕ ܠܓܶܠܥܳܕ. ܓܶܠܥܳܕ. ܫܰܪܒܬܳܐ ܕܓܶܠܥܳܕ.
30 ܘܗܳܠܶܝܢ ܒܢܰܝ̈ ܓܶܠܥܳܕ. ܫܰܪܒܬܳܐ ܕܝܰܥܙܺܝܪ. ܚܳܠܳܩ. ܫܰܪܒܬܳܐ ܕܚܳܠܳܩ.
31 ܐܰܫܕܳܐܶܝܠ. ܫܰܪܒܬܳܐ ܕܰܐܫܕܳܐܶܝܠ. ܫܟܺܝܡ. ܫܰܪܒܬܳܐ ܕܰܫܟܺܝܡ.
32 ܫܡܺܝܕܳܥ. ܫܰܪܒܬܳܐ ܕܰܫܡܺܝܕܳܥ ܚܳܦܳܪ. ܫܰܪܒܬܳܐ ܕܚܳܦܳܪ.
33 ܘܠܰܨܠܶܦܚܳܕ ܒܰܪ ܚܳܦܳܪ. ܠܳܐ ܗܘܰܘ ܠܶܗ ܒܢܰܝ̈ܳܐ. ܐܶܠܳܐ ܒܢ̈ܳܬܳܐ. ܘܰܫܡܳܗ̈ܶܐ ܕܰܒ̈ܢܳܬܶܗ ܕܰܨܠܶܦܚܳܕ. ܡܰܚܠܳܐ. ܘܝܰܥܳܐ. ܘܚܰܓܠܳܐ. ܘܡܶܠܟܳܐ. ܘܬܰܪܨܳܐ.
34 ܗܳܠܶܝܢ ܫܰܖ̈ܒܳܬܳܐ ܕܰܡܢܰܫܶܐ. ܘܡܶܢܝܳܢܗܽܘܢ ܚܰܡܫܺܝܢ ܘܰܬܪܶܝܢ ܐܰܠܦܺܝ̈ܢ ܘܰܫܒܰܥܡܳܐܐ.
35 ܘܰܒܢܰܝ̈ ܐܰܦܪܶܝܡ ܠܫܰܖ̈ܒܳܬܗܽܘܢ. ܫܽܘܬܠܰܚ. ܫܰܪܒܬܳܐ ܕܫܽܘܬܠܰܚ. ܒܳܟܳܪ. ܫܰܪܒܬܳܐ ܕܒܳܟܳܪ. ܬܳܚܳܢ. ܫܰܪܒܬܳܐ ܕܬܳܚܳܢ.
36 ܘܗܳܠܶܝܢ ܒܢܰܘ̈ܗܝ ܕܫܽܘܬܠܰܚ. ܥܰܕܳܢ. ܫܰܪܒܬܳܐ ܕܥܰܕܳܢ.
37 ܗܳܠܶܝܢ ܫܰܖ̈ܒܳܬܳܐ ܕܰܒܢܰܝ̈ ܐܰܦܪܶܝܡ ܠܡܶܢܝܳܢܗܽܘܢ. ܬܠܳܬܺܝܢ ܘܰܬܪܶܝܢ ܐܰܠܦܺܝ̈ܢ ܘܚܰܡܶܫܡܳܐܐ. ܗܳܠܶܝܢ ܒܢܰܝ̈ ܝܰܘܣܶܦ ܠܫܰܖ̈ܒܳܬܗܽܘܢ.
38 ܘܰܒܢܰܝ̈ ܒܶܢܝܳܡܶܝܢ ܠܫܰܖ̈ܒܳܬܗܽܘܢ. ܒܳܠܳܥ. ܫܰܪܒܬܳܐ ܕܒܳܠܳܥ. ܐܰܫܒܶܠ. ܫܰܪܒܬܳܐ ܕܰܐܫܒܶܠ. ܐܰܚܺܝܪܰܡ. ܫܰܪܒܬܳܐ ܕܰܐܚܺܝܪܰܡ.
39 ܫܽܘܦܳܡ. ܫܰܪܒܬܳܐ ܕܫܽܘܦܳܡ. ܚܽܘܦܺܝܡ. ܫܰܪܒܬܳܐ ܕܚܽܘܦܺܝܡ.
40 ܘܰܗܘܰܘ ܒܢܰܘ̈ܗܝ ܕܒܳܠܳܥ. ܐܳܪܽܘܕ ܘܢܰܥܡܳܢ. ܫܰܪܒܬܳܐ ܕܳܐܪܽܘܕ. ܢܰܥܡܳܢ. ܫܰܪܒܬܳܐ ܕܢܰܥܡܳܢ.
41 ܗܳܠܶܝܢ ܒܢܰܝ̈ ܒܶܢܝܳܡܶܝܢ ܒܡܶܢܝܳܗܽܘܢ. ܐܰܪܒܥܺܝܢ ܘܚܰܡܫܳܐ ܐܰܠܦܺܝ̈ܢ ܘܫܶܬܡܳܐܐ.
42 ܘܰܒܢܰܝ̈ ܕܳܢ ܠܫܰܖ̈ܒܳܬܗܽܘܢ. ܫܽܘܚܳܡ ܫܰܪܒܬܳܐ ܕܫܽܘܚܳܡ. ܗܳܠܶܝܢ ܫܰܖ̈ܒܳܬܳܐ ܕܕܳܢ ܠܫܰܖ̈ܒܳܬܗܽܘܢ.
43 ܟܽܠܗܶܝܢ ܫܰܖ̈ܒܳܬܳܐ ܕܫܽܘܚܳܡ ܠܡܶܢܝܳܢܗܽܘܢ. ܫܬܺܝܢ ܘܰܐܪܒܥܳܐ ܐܰܠܦܺܝ̈ܢ ܘܰܐܪܒܰܥܡܳܐܐ.
44 ܘܰܒܢܰܝ̈ ܐܳܫܺܝܪ ܠܫܰܖ̈ܒܳܬܗܽܘܢ. ܝܰܡܢܳܐ. ܫܰܪܒܬܳܐ ܕܝܰܡܢܳܐ. ܝܰܫܘܳܐ. ܫܰܪܒܬܳܐ ܕܝܰܫܘܳܐ. ܝܰܫܘܺܝ. ܫܰܪܒܬܳܐ ܕܝܰܫܘܺܝ ܒܪܺܝܥܳܐ. ܫܰܪܒܬܳܐ ܕܰܒܪܺܝܥܳܐ.
45 ܘܰܒܢܰܝ̈ ܒܪܺܝܥܳܐ. ܚܳܒܳܪ. ܫܰܪܒܬܳܐ ܕܚܳܒܳܪ ܡܰܠܟܺܝܠ. ܫܰܪܒܬܳܐ ܕܡܰܠܟܺܝܠ.
46 ܘܫܶܡ ܒܰܪܬ ܐܳܫܺܝܪ ܣܳܪܰܚ.
47 ܗܳܠܶܝܢ ܫܰܖ̈ܒܳܬܳܐ ܕܰܒܢܰܝ̈ ܐܳܫܺܝܪ ܠܡܶܢܝܳܢܗܽܘܢ. ܚܰܡܫܺܝܢ ܘܰܬܠܳܬܳܐ ܐܰܠܦܺܝ̈ܢ ܘܰܐܪܒܰܥ ܡܳܐܐ.
48 ܘܰܒܢܰܝ̈ ܢܰܦܬܳܠܺܝ ܠܫܰܖ̈ܒܳܬܗܽܘܢ. ܢܰܚܨܳܐܶܝܠ. ܫܰܪܒܬܳܐ ܕܢܰܚܨܳܐܶܝܠ. ܓܽܘܢܺܝ. ܫܰܪܒܬܳܐ ܕܓܽܘܢܺܝ.
49 ܝܳܨܳܪ. ܫܰܪܒܬܳܐ ܕܝܳܨܳܪ. ܫܳܠܺܝܡ. ܫܰܪܒܬܳܐ ܕܫܳܠܺܝܡ.
50 ܗܳܠܶܝܢ ܫܰܖ̈ܒܳܬܳܐ ܕܰܒܢܰܝ̈ ܢܰܦܬܳܠܺܝ ܠܫܰܖ̈ܒܳܬܗܽܘܢ. ܘܡܶܢܝܳܢܗܽܘܢ ܐܰܪܒܥܺܝܢ ܘܚܰܡܫܳܐ ܐܰܠܦܺܝ̈ܢ ܘܰܐܪܒܰܥܡܳܐܐ.
51 ܟܽܠܗܽܘܢ ܡܶܢܝܳܢ̈ܶܐ ܕܰܒܢܰܝ̈ ܝܺܣܪܳܐܶܝܠ. ܫܶܬܡܳܐܐ ܐܰܠܦܺܝ̈ܢ ܘܳܐܠܶܦ ܘܰܫܒܰܥܡܳܐܐ. ܘܰܬܠܳܬܺܝܢ.
52 ܘܡܰܠܶܠ ܡܳܪܝܳܐ ܥܰܡ ܡܽܘܫܶܐ. ܘܶܐܡܰܪ ܠܶܗ.
53 ܠܗܳܠܶܝܢ ܬܶܬܦܰܠܰܓ ܐܰܪܥܳܐ ܒܝܳܪܬܽܘܬܳܐ ܠܡܶܢܝܳܢܳܐ ܕܰܫܡܳܗ̈ܶܐ.
54 ܠܣܰܓܺܝ̈ܐܶܐ ܬܶܣܓܶܐ ܝܳܪܬܽܘܬܗܽܘܢ. ܘܠܰܙܥܽܘܖ̈ܶܐ ܬܶܙܥܰܪ ܝܳܪܬܽܘܬܗܽܘܢ. ܐ̱ܢܳܫ ܠܦܽܘܬ ܡܶܢܝܳܢܶܗ ܢܩܰܒܶܠ ܝܳܪܬܽܘܬܶܗ.
55 ܒܪܰܡ ܕܶܝܢ ܒܦܶܨ̈ܶܐ ܬܶܬܦܰܠܰܓ ܐܰܪܥܳܐ. ܠܰܫܡܳܗ̈ܶܐ ܕܫܰܒ̈ܛܶܐ ܕܰܐܒܳܗܰܝ̈ܗܽܘܢ ܢܺܐܪܬܽܘܢ.
56 ܡܶܢ ܦܽܘܡ ܦܶܨ̈ܶܐ ܬܶܬܦܰܠܰܓ ܝܳܪܬܽܘܬܳܐ. ܒܶܝܬ ܣܰܓܺܝ̈ܐܶܐ ܠܰܙܥܽܘܖ̈ܶܐ.
57 ܘܗܳܠܶܝܢ ܡܶܢܝܳܢ̈ܶܐ ܕܠܶܘ̈ܳܝܶܐ ܠܫܰܖ̈ܒܳܬܗܽܘܢ. ܓܶܪܫܽܘܢ. ܫܰܪܒܬܳܐ ܕܓܶܪܫܽܘܢ. ܩܳܗܳܬ. ܫܰܪܒܬܳܐ ܕܩܳܗܳܬ ܡܪܳܪܺܝ. ܫܰܪܒܬܳܐ ܕܰܡܪܳܪܺܝ.
58 ܗܳܠܶܝܢ ܫܰܖ̈ܒܳܬܳܐ ܕܠܶܘ̈ܳܝܶܐ. ܫܰܪܒܬܳܐ ܕܠܶܒܢܺܝ. ܫܰܪܒܬܳܐ ܕܚܶܒܪܽܘܢܺܝ. ܫܰܪܒܬܳܐ ܕܡܰܚܠܺܝ. ܫܰܪܒܬܳܐ ܕܡܽܘܫܺܝ. ܫܰܪܒܬܳܐ ܕܩܽܘܪܳܚ. ܘܩܳܗܳܬ ܐܰܘܠܶܕ ܠܥܰܡܪܰܡ.
59 ܘܫܶܡ ܐܰܢ̱ܬܬܶܗ ܕܥܰܡܪܰܡ ܝܽܘܟܳܒܳܪ ܒܰܪܬ ܠܶܘܺܝ ܕܶܐܬܝܰܠܕܰܬ ܠܠܶܘܺܝ ܒܡܶܨܪܶܝܢ. ܘܝܶܠܕܰܬ ܠܥܰܡܪܰܡ. ܠܰܐܗܪܽܘܢ. ܘܰܠܡܽܘܫܶܐ. ܘܰܠܡܰܪܝܰܡ ܚܳܬܗܽܘܢ.
60 ܘܶܐܬܺܝܠܶܕܘ ܠܰܐܗܪܽܘܢ. ܢܳܕܳܒ. ܘܰܐܒܺܝܗܽܘ. ܘܶܐܠܺܝܥܳܙܳܪ. ܘܺܐܝܬܳܡܳܪ.
61 ܘܡܺܝܬܘ ܢܳܕܳܒ ܘܰܐܒܺܝܗܽܘ ܟܰܕ ܩܰܪܶܒܘ ܢܽܘܪܳܐ ܢܽܘܟܪܳܝܬܳܐ ܩܕܳܡ ܡܳܪܝܳܐ.
62 ܘܰܗܘܳܐ ܡܶܢܝܳܢܗܽܘܢ. ܥܶܣܪܺܝܢ ܘܰܬܠܳܬܳܐ ܐܰܠܦܺܝ̈ܢ. ܟܽܠ ܕܶܟܪܳܐ ܡܶܢ ܒܰܪ ܝܰܪܚܳܐ ܘܰܠܥܶܠ. ܡܶܛܽܠ ܕܠܳܐ ܐܶܬܡܢܺܝܘ ܒܓܰܘ ܒܢܰܝ̈ ܝܺܣܪܳܐܶܝܠ. ܡܶܛܽܠ ܕܠܳܐ ܐܶܬܝܰܗܒܰܬ ܠܗܽܘܢ ܝܳܪܬܽܘܬܳܐ ܒܰܝܢܳܬ ܒܢܰܝ̈ ܝܺܣܪܳܐܶܝܠ.
63 ܗܳܠܶܝܢ ܡܶܢܝܳܢ̈ܶܐ ܕܡܽܘܫܶܐ ܘܕܶܐܠܺܝܥܳܙܳܪ ܟܳܗܢܳܐ. ܕܰܡܢܰܘ ܠܰܒܢܰܝ̈ ܝܺܣܪܳܐܶܝܠ ܒܥܰܪܒܽܘܬ ܡܽܘܐܳܒ. ܕܥܰܠ ܝܽܘܪܕܢܳܢ ܕܺܐܝܪܺܝܚܽܘ.
64 ܘܰܒܗܳܠܶܝܢ ܠܳܐ ܗܘܳܐ ܓܰܒܪܳܐ ܡܶܢ ܡܶܢܝܳܢܳܐ ܕܡܽܘܫܶܐ ܘܕܰܐܗܪܽܘܢ ܟܳܗܢܳܐ. ܕܰܡܢܰܘ ܠܰܒܢܰܝ̈ ܝܺܣܪܳܐܶܝܠ ܒܡܰܕܒܪܳܐ ܕܣܺܝܢܰܝ.
65 ܡܶܛܽܠ ܕܶܐܡܰܪ ܠܗܽܘܢ ܡܳܪܝܳܐ. ܡܶܬܩܛܳܠܽܘ ܢܶܬܩܰܛܠܽܘܢ ܒܡܰܕܒܪܳܐ. ܘܠܳܐ ܢܶܫܬܰܚܰܪ ܡܶܢܗܽܘܢ ܓܒܰܪ. ܐܶܠܳܐ ܐܶܢ ܟܳܠܳܒ ܒܰܪ ܝܽܘܦܢܳܐ ܘܝܶܫܽܘܥ ܒܰܪܢܽܘܢ.