Ezekiel 15
The Book of Ezekiel
܀ ܚܙܩܝܐܝܠ ܝܗ ܀
1 ܘܰܗܘܳܐ ܥܠܰܝ ܦܶܬܓܳܡܶܗ ܕܡܳܪܝܳܐ ܠܡܺܐܡܰܪ.
2 ܒܰܪܢܳܫܳܐ: ܡܳܢܳܐ ܢܶܗܘܶܐ ܠܩܰܝܣܳܐ ܕܰܓܦܶܬܳܐ ܡܶܢ ܟܠ ܩܺܝܣ: ܫܒܺܫܬܳܐ ܕܰܗܘܳܬ ܒܩܰܝ̈ܣܶܐ ܕܥܳܒܳܐ.
3 ܕܰܠܡܳܐ ܡܶܬܢܣܶܒ ܡܶܢܳܗ̇ ܩܰܝܣܳܐ ܠܡܶܥܒܰܕ ܡܶܢܳܗ̇ ܥܒܳܕܳܐ: ܐܰܘ ܢܳܣܒܺܝܢ ܡܶܢܳܗ̇ ܣܶܟܬܳܐ ܠܡܶܬܠܳܐ ܒܳܗ̇ ܡܳܐܢ̈ܶܐ.
4 ܐܶܠܳܐ ܐܶܬܝܰܗܒܰܬ ܡܶܐܟܽܘܠܬܳܐ ܠܢܽܘܪܳܐ: ܘܬܰܪܬܶܝܢ ܣܰܘ̈ܟܶܝܗ̇ ܐܶܟܠܰܬ ܢܽܘܪܳܐ: ܘܓܰܘܳܗ̇ ܚܪܶܒ: ܕܰܠܡܳܐ ܐܳܙܳܠܐ ܠܰܥܒܳܕܳܐ.
5 ܘܟܰܕ ܕܰܕܠܳܐ ܡܽܘܡ ܗܘܳܬ ܠܳܐ ܐܳܙܳܠܐ ܗܘܳܬ ܠܰܥܒܳܕܳܐ: ܗܳܫܳܐ ܕܶܐܟܰܠܬܳܗ̇ ܢܽܘܪܳܐ ܘܚܶܪܒܰܬ: ܐܰܝܟܰܢܳܐ ܐܳܙܳܠܐ ܠܰܥܒܳܕܳܐ.
6 ܡܶܛܽܠ ܗܳܢܳܐ ܗܳܟܰܢܳܐ ܐܳܡܰܪ ܡܳܪܶܐ ܡܳܖ̈ܰܘܳܬܳܐ: ܐܰܝܟ ܕܝܶܗܒܶ݀ܬ ܩܰܝܣܳܐ ܕܰܓܦܶܬܳܐ ܡܶܢ ܟܽܠܗܽܘܢ ܩܰܝ̈ܣܶܐ ܕܥܳܒܳܐ ܡܶܐܟܽܘܠܬܳܐ ܠܢܽܘܪܳܐ: ܗܳܟܰܢܳܐ ܝܶܗܒܶ݀ܬ ܠܥܳܡܽܘܖ̈ܶܝܗ̇ ܕܽܐܘܪܺܫܠܶܡ.
7 ܘܶܐܬܶܠ ܪܽܘܓܙܝ ܒܗܽܘܢ: ܡܶܢ ܢܽܘܪܳܐ ܢ̣ܦܰܩܘ ܘܢܽܘܪܳܐ ܬܶܐܟܽܘܠ ܐܶܢܽܘܢ: ܘܬܶܕܥܽܘܢ ܕܶܐܢܳܐ ܐ̱ܢܳܐ ܡܳܪܝܳܐ: ܡܳܐ ܕܣܳܡܶ݀ܬ ܪܽܘܓܙܝ ܥܠܰܝܗܽܘܢ.
8 ܘܶܐܬܠܺܝܗ̇ ܠܰܐܪܥܳܐ ܠܰܚܒܳܠܳܐ ܘܰܠܬܶܡܗܳܐ: ܥܰܠ ܕܰܥ̣ܒܰܕܘ ܥܰܘܠܳܐ ܐܳܡܰܪ ܡܳܪܶܐ ܡܳܖ̈ܰܘܳܬܳܐ.