Psalms 112
The Book of Psalms
܀ ܡܙܡܘܪܐ ܩܝܒ ܀
ܡܰܪܬܝܳܢܽܘܬܳܐ ܕܰܠܘܳܬ ܟܽܠܗܽܘܢ ܒܢܰܝ̈ܢܳܫܳܐ ܕܢܺܐܨܦܽܘܢ ܕܰܡܝܰܬܪܽܘܬܳܐ
1 ܛܽܘܒܰܘܗ̱ܝ ܠܓܰܒܪܳܐ ܕܕܳܚܶܠ ܡܶܢ ܡܳܪܝܳܐ ܘܰܙܗܺܝܪ ܒܦܽܘܩܕܳܢܰܘ̈ܗܝ̱.
2 ܢܶܗܘܶܐ ܚܰܝܠܬܳܢ ܙܰܪܥܶܗ ܒܰܐܪܥܳܐ ܘܢܶܬܒܰܪܰܟ ܒܕܳܪܳܐ ܕܙܰܕܺܝ̈ܩܶܐ.
3 ܩܶܢܝܳܢܳܐ ܘܥܽܘܬܪܳܐ ܢܶܣܓܶܐ ܒܒܰܝܬܶܗ ܘܙܰܕܺܝܩܽܘܬܶܗ ܬܩܽܘܡ ܠܥܳܠܰܡ.
4 ܕܢܰܚ ܢܽܘܗܪܳܐ ܒܚܶܫܽܘܟܳܐ ܠܰܬܖ̈ܺܝܨܶܐ ܘܰܡܪܰܚܶܡ ܥܰܠ ܙܰܕܺܝ̈ܩܶܐ.
5 ܛܳܒ ܗܽܘ ܓܰܒܪܳܐ ܕܰܡܪܰܚܶܡ ܘܡܰܘܙܶܦ ܘܰܡܣܰܝܒܰܪ ܡܶܠܰܘ̈ܗܝ̱ ܒܕܺܝܢܳܐ.
6 ܘܰܠܥܳܠܰܡ ܠܳܐ ܢܙܽܘܥ. ܕܽܘܟܪܳܢܳܐ ܠܥܳܠܰܡ ܢܶܗܘܶܐ ܠܙܰܕܺܝܩܳܐ.
7 ܘܡܶܢ ܛܶܒܳܐ ܒܺܝܫܳܐ ܠܳܐ ܢܶܕܚܰܠ ܕܡܰܬܩܰܢ ܠܶܒܶܗ ܬܟܺܝܠ ܥܰܠ ܐܰܠܳܗܳܐ.
8 ܘܰܡܫܰܪܰܪ ܠܶܒܶܗ ܘܠܳܐ ܕܳܚܶܠ ܥܕܰܡܳܐ ܕܚܳܙܶܐ ܒܰܒܥܶܠܕ̈ܒܳܒܰܘܗ̱ܝ.
9 ܒܰܕܰܪ ܘܝܰܗܒ ܠܒܳܝ̈ܫܶܐ ܘܙܰܕܺܝܩܽܘܬܶܗ ܩܰܝܳܡܳܐ ܠܥܳܠܰܡ ܥܳܠܡܺܝܢ ܘܩܰܪܢܶܗ ܬܶܬܪܺܝܡ ܒܫܽܘܒܚܳܐ.
10 ܥܰܘܳܠܳܐ ܢܶܚܙܶܐ ܘܢܶܪܓܰܙ ܘܫܶܢܰܘ̈ܗܝ̱ ܢܚܰܪܶܩ ܘܢܶܬܕܰܠܰܚ ܘܪܶܓܬܳܐ ܕܖ̈ܰܫܺܝܥܶܐ ܬܺܐܒܰܕ.