Psalms 6
The Book of Psalms
܀ ܡܙܡܘܪܐ ܘ ܀
ܬܰܟܫܰܦܬܶܗ ܕܕܰܘܺܝܕ ܟܰܕ ܐܺܝܬܰܘܗ̱ܝ ܗܘܳܐ ܒܥܳܩ̈ܳܬܳܐ ܕܥܰܠ ܐܰܦܰܝ̈ ܚܛܺܝܬܶܗ
1 ܡܳܪܝܳܐ ܠܳܐ ܒܪܽܘܓܙܳܟ ܬܰܟܣܰܢܝ̱. ܐܳܦܠܳܐ ܒܚܶܡܬܳܟ ܬܶܪܕܶܝܢܝ̱.
2 ܪܰܚܶܡܥܠܰܝ ܡܳܪܝܳܐ ܡܶܛܽܠ ܕܰܟܪܺܝܗ ܐ̱ܢܳܐ. ܐܰܣܳܢܝ̱ ܡܳܪܝܳܐ ܡܶܛܽܠ ܕܙܳܥܘ ܓܰܖ̈ܡܰܝ.
3 ܘܢܰܦܫܝ̱ ܐܶܬܬܙܺܝܥܰܬ ܛܳܒ. ܘܰܐܢ̱ܬ ܡܳܪܝܳܐ ܥܕܰܡܳܐ ܠܶܐܡܰܬܝ̱.
4 ܐܶܬܦܰܢ ܡܳܪܝܳܐ ܘܦܰܨܳܗ̇ ܠܢܰܦܫܝ̱. ܘܰܦܪܽܘܩܰܝܢܝ̱ ܡܶܛܽܠ ܛܰܝܒܽܘܬܳܟ.
5 ܡܶܛܽܠ ܕܠܰܝܬ ܒܡܰܘܬܳܐ ܕܽܘܟܪܳܢܳܟ. ܘܒܰܫܝܽܘܠ ܡܰܢܽܘ ܡܰܘܕܶܐ ܠܳܟ.
6 ܠܺܐܝܬ ܒܬܶܢܚ̈ܳܬܝ̱. ܘܨܰܒܥܶܬ ܒܟܽܠ ܠܰܝܠܶܐ ܥܰܪܣܝ̱. ܘܰܒܕܶܡܥܰܬܝ̱ ܬܶܫܘܺܝܬܝ̱ ܐܰܡܣܺܝܬ.
7 ܟܶܐܒܰܬ ܡܶܢ ܪܽܘܓܙܳܐ ܥܰܝܢܝ̱. ܘܶܐܬܕܰܠܚܶܬ ܡܶܢ ܟܽܠܗܽܘܢ ܒܥܶܠܕ̈ܒܳܒܰܝ.
8 ܦܪܽܘܩܘ ܡܶܢܝ̱ ܟܽܠ ܥܳܒ̈ܕܰܝ ܫܽܘܩܪܳܐ. ܡܶܛܽܠ ܕܰܫܡܰܥ ܡܳܪܝܳܐ ܩܳܠܳܐ ܕܰܒܟܳܬܝ̱.
9 ܫܡܰܥ ܡܳܪܝܳܐ ܒܳܥܽܘܬܝ̱. ܡܳܪܝܳܐ ܨܠܽܘܬܝ̱ ܩܰܒܶܠ.
10 ܢܶܒܗܬܽܘܢ ܘܢܶܬܬܰܒܪܽܘܢ ܛܳܒ ܟܽܠܗܽܘܢ ܒܥܶܠܕ̈ܒܳܒܰܝ. ܢܶܗܦܟܽܘܢ ܘܢܺܐܒܕܽܘܢ ܡܶܢ ܫܶܠܝܳܐ.