Psalms 81
The Book of Psalms
܀ ܡܙܡܘܪܐ ܦܐ ܀
ܡܒܰܕܶܩ ܥܰܠ ܦܽܘܢܳܝܳܐ ܘܡܰܦܢܶܐ ܠܟܽܠܢܳܫ ܠܬܰܘܕܺܝܬܳܐ ܕܰܐܠܳܗܳܐ
1 ܫܰܒܰܚܘ ܠܰܐܠܳܗܳܐ ܡܥܰܫܢܳܢܰܢ. ܘܰܩܥܰܘ ܠܐܠܳܗܶܗ ܕܝܰܥܩܽܘܒ.
2 ܫܩܽܘܠܘ ܦܠܰܓ̈ܶܐ ܘܟܶܢܳܖ̈ܶܐ ܒܰܣܺܝ̈ܡܶܐ ܥܰܡ ܩܺܝܬܳܖ̈ܶܐ.
3 ܩܪܰܘ ܒܩܰܖ̈ܢܳܬܳܐ ܒܪܺܝܫ ܝܰܖ̈ܚܶܐ. ܘܰܒܟܶܣ̈ܶܐܐ ܒܝܰܘ̈ܡܳܬܳܐ ܕܥܰܕܥܺܐܕ̈ܶܐ.
4 ܡܶܛܽܠ ܕܢܳܡܽܘܣܰܐ ܗ̱ܘ ܠܺܝܣܪܳܐܶܝܠ. ܘܕܺܝܢܳܐ ܠܰܐܠܳܗܶܗ ܕܝܰܥܩܽܘܒ.
5 ܣܳܗܕܽܘܬܶܗ ܒܝܰܘܣܶܦ ܣܳܡܳܗ̇. ܟܰܕ ܢܦܰܩ ܠܰܐܪܥܳܐ ܕܡܶܨܪܶܝܢ. ܠܶܫܳܢܳܐ ܕܠܳܐ ܝܳܕܰܥ ܗܘܳܐ ܫܡܰܥ.
6 ܐܰܥܒܰܪܬ ܢܺܝܪܳܐ ܡܶܢ ܟܰܬܦܶܗ. ܘܺܐܝܕܰܘ̈ܗܝ̱ ܡܶܢ ܐܰܣܽܘܪܝܳܐ ܫܪܰܝܬ.
7 ܒܽܐܘܠܨܳܢܳܐ ܩܪܳܢܝ̱ ܘܦܰܨܺܝܬܶܗ. ܘܟܰܣܺܝܬܶܗ ܒܣܶܬܳܪܳܐ ܕܺܝܠܝ̱ ܡܫܰܒܚܳܐ. ܘܰܒܚܰܪܬܶܗ ܒܡܰܝ̈ܳܐ ܕܚܶܪܝܳܢܳܐ.
8 ܫܡܰܥ ܥܰܡܝ̱ ܘܶܐܡܰܠܶܠ. ܘܺܝܣܪܳܐܶܝܠ ܐܶܣܰܗܶܕ ܒܳܟ. ܐܶܢ ܬܶܫܡܥܰܢܝ̱.
9 ܠܳܐ ܢܶܗܘܶܐ ܠܳܟ ܐܰܠܳܗ ܢܽܘܟܪܳܝ. ܘܠܳܐ ܬܶܣܓܽܘܕ ܠܕܶܚܠܳܐ ܐ̱ܚܪܳܢܝܳܐ.
10 ܐܶܢܳܐ ܐ̱ܢܳܐ ܡܳܪܝܳܐ ܐܰܠܳܗܳܟ. ܕܰܐܣܶܩܬܳܟ ܡܶܢ ܐܰܪܥܳܐ ܕܡܶܨܪܶܝܢ. ܦܬܰܚ ܦܽܘܡܳܟ ܘܶܐܡܠܶܝܘܗ̱ܝ.
11 ܘܥܰܡܝ̱ ܠܳܐ ܫܡܰܥ ܒܩܳܠܝ̱. ܘܺܝܣܪܳܐܶܝܠ ܠܳܐ ܐܶܬܛܦܺܝܣܘ̱ ܡܶܢܝ̱.
12 ܗܰܠܶܟܘ̱ ܒܨܶܒܝܳܢܳܐ ܕܠܶܒܗܽܘܢ ܘܰܒܬܰܪܥܺܝܬܳܐ ܕܢܰܦܫܗܽܘܢ.
13 ܐܶܠܽܘ ܥܰܡܝ̱ ܫܰܡܥܰܢܝ̱ ܘܺܝܣܪܳܐܶܝܠ ܒܽܐܘܖ̈ܚܳܬܝ̱ ܗܰܠܶܟܘ̱.
14 ܥܰܕ ܩܰܠܺܝܠ ܡܰܘܒܶܕ ܗ̱ܘܺܝܬ ܠܰܒܥܶܠܕ̈ܒܳܒܰܝܗܽܘܢ. ܘܥܰܠ ܣܳܢܰܐܝ̈ܗܽܘܢ ܡܰܗܦܶܟ ܗ̱ܘܺܝܬ ܐܺܝܕܝ̱.
15 ܣܳܢ̈ܰܐܘܗ̱ܝ ܕܡܳܪܝܳܐ ܟܰܕܶܒܘ ܒܶܗ. ܘܰܗܘܳܐ ܙܰܘܥܗܽܘܢ ܠܥܳܠܰܡ.
16 ܐܰܘܟܠܶܗ ܡܶܢ ܫܽܘܡܢܳܐ ܕܚܶܛܬܳܐ ܘܡܶܢ ܟܺܐܦܳܐ ܕܶܒܫܳܐ ܣܰܒܥܶܗ.