Psalms 64
The Book of Psalms
܀ ܡܙܡܘܪܐ ܣܕ ܀
ܐܰܡܺܝܪ ܠܕܰܘܺܝܕ ܟܰܕ ܐܶܬܪܕܶܦ ܡܶܢ ܫܳܐܳܘܠ
1 ܫܡܰܥ ܐܰܠܳܗܳܐ ܩܳܠܝ̱ ܟܰܕ ܐܶܬܟܰܫܰܦ ܠܳܟ. ܘܡܶܢ ܕܶܚܠܬܳܐ ܕܰܒܥܶܠܕ̈ܒܳܒܰܝ ܢܰܛܰܪܰܝܢܝ̱.
2 ܣܰܬܰܪܰܝܢܝ̱ ܡܶܢ ܥܰܘܠܶܗ ܕܒܺܝܫܳܐ. ܘܡܶܢ ܗܽܘܦܳܟܳܐ ܕܥܳܒ̈ܕܰܝ ܥܰܘܠܳܐ.
3 ܕܰܠܛܰܫܘ ܠܶܫܳܢܗܽܘܢ ܐܰܝܟ ܣܰܝܦܳܐ. ܘܡܶܠܰܬܗܽܘܢ ܐܰܝܟ ܓܶܐܪܳܐ.
4 ܠܡܶܫܕܳܐ ܒܛܽܘܫܝܳܐ ܒܬܰܡܺܝܡܳܐ. ܘܡܶܢ ܫܶܠܝܳܐ ܢܶܫܕܽܘܢ ܒܶܗ ܘܠܳܐ ܢܶܬܚܙܽܘܢ.
5 ܘܰܐܥܫܶܢܘ ܡܶܠܰܬܗܽܘܢ ܒܺܝܫܬܳܐ. ܘܶܐܬܚܰܫܰܒܘ ܠܡܶܛܡܰܪ ܦܰܚ̈ܶܐ. ܘܶܐܡܰܪܘ ܕܡܰܢܽܘ ܚܳܙܶܐ ܠܰܢ.
6 ܐܶܬܚܰܫܰܒܘ ܥܰܘ̈ܳܠܶܐ ܘܣܳܦܘ. ܠܡܶܒܨܳܐ ܥܰܘܠܳܐ ܡܶܢ ܓܰܘܶܗ ܕܒܰܪܢܳܫܳܐ. ܘܡܶܢ ܠܶܒܶܗ ܥܰܡܺܝܩܳܐ.
7 ܢܶܬܬܪܺܝܡ ܐܰܠܳܗܳܐ ܘܢܶܫܕܶܐ ܒܗܽܘܢ ܓܶܐܪܳܐ ܡܶܢ ܫܶܠܝܳܐ.
8 ܘܢܶܬܟܰܪܗܽܘܢ ܠܶܫܳܢܰܝ̈ܗܽܘܢ. ܘܢܶܕܚܠܽܘܢ ܟܽܠ ܕܚܳܙܶܝܢ ܠܗܽܘܢ.
9 ܘܢܶܕܚܠܽܘܢ ܟܽܠ ܒܢܰܝ̈ܢܳܫܳܐ. ܘܰܢܚܰܘܢ ܥܒܳܕܰܘ̈ܗܝ̱ ܕܰܐܠܳܗܳܐ. ܘܒܰܥܒܳܕ ܐܺܝ̈ܕܰܘܗ̱ܝ ܢܚܽܘܪܽܘܢ.
10 ܢܶܚܕܽܘܢ ܙܰܕܺܝ̈ܩܶܐ ܒܡܳܪܝܳܐ ܘܢܶܬܬܰܟܠܽܘܢ ܥܠܰܘܗ̱ܝ. ܘܰܢܫܰܒܚܽܘܢܳܝܗܝ̱ ܟܽܠ ܬܖ̈ܺܝܨܰܝ ܠܶܒܳܐ.