Psalms 4
The Book of Psalms
܀ ܡܙܡܘܪܐ ܕ ܀
ܡܰܟܣܳܢܽܘܬܳܐ ܠܽܘܩܒܰܠ ܐܰܝܠܶܝܢ ܕܡܰܡܪܚܺܝܢ ܘܳܐܡܪܺܝܢ ܕܠܰܝܬ ܡܕܰܒܪܳܢܽܘܬܳܐ ܒܗܳܠܶܝܢ ܕܡܶܬܚܰܙ̈ܝܳܢ
1 ܟܰܕ ܩܪܺܝܬܳܟ ܥܢܰܝܬܳܢܝ̱. ܐܠܗܝ̱ ܘܦܳܪܽܘܩܳܐ ܕܙܰܕܺܝܩܽܘܬܝ̱. ܒܽܐܘܠܨܳ̈ܢܰܝ̱ ܐܰܪܘܰܚܬ ܠܺܝ. ܪܰܚܶܡܥܠܰܝ ܘܰܫܡܰܥ ܨܠܽܘܬܝ̱.
2 ܒܢܰܝ̈ܢܳܫܳܐ ܥܕܰܡܳܐ ܠܶܐܡܰܬܝ̱. ܐܺܝܩܳܪܝ̱ ܡܚܰܦܶܝܢ ܐܢ̱ܬܽܘܢ. ܘܪܳܚܡܺܝܢ ܐܢ̱ܬܽܘܢ ܣܪܺܝܩܽܘܬܳܐ. ܘܒܳܥܶܝܢ ܐܢ̱ܬܽܘܢ ܕܰܓܳܠܽܘܬܳܐ ܠܥܳܠܡܺܝܢ.
3 ܕܰܥܘ ܕܰܦܪܰܫ ܠܶܗ ܡܳܪܝܳܐ ܓܰܒܝܳܐ ܒܬܶܕܡܽܘܪܬܳܐ. ܡܳܪܝܳܐ ܢܶܫܡܰܥ ܟܰܕ ܐܶܩܪܶܝܘܗ̱ܝ.
4 ܪܓܰܙܘ ܘܠܳܐ ܬܶܚܛܽܘܢ. ܐܶܡܰܪܘ ܒܠܶܒܰܘ̈ܳܬܟܽܘܢ ܘܥܰܠ ܡܰܫܟܒܰܝ̈ܟܽܘܢ ܪܢܰܘ.
5 ܕܰܒܰܚܘ ܕܶܒܚܶ̈ܐ ܕܙܰܕܺܝܩܽܘܬܳܐ ܘܣܰܒܰܪܘ ܒܡܳܪܝܳܐ.
6 ܣܰܓܺܝ̈ܐܶܐ ܕܳܐܡܪܺܝܢ ܡܰܢܽܘ ܢܚܰܘܶܝܢ ܛܳܒܳܐ. ܘܢܶܦܪܽܘܣ ܥܠܰܝܢ ܢܽܘܗܪܳܐ ܕܦܰܪܨܽܘܦܶܗ.
7 ܡܳܪܝܳܐ ܝܰܗܒܬ ܚܰܕܽܘܬܳܟ ܒܠܶܒܝ̱. ܡܶܢ ܙܰܒܢܳܐ ܕܰܥܒܽܘܪܗܽܘܢ ܘܰܕܚܰܡܪܗܽܘܢ ܘܰܕܡܶܫܚܗܽܘܢ. ܣܓܺܝܘ ܒܰܫܠܳܡܳܐ ܐܰܟܚܕܳܐ.
8 ܘܶܐܢܳܐ ܐܶܫܟܰܒ ܘܶܐܕܡܰܟ. ܡܶܛܽܠ ܕܰܐܢ̱ܬ ܡܳܪܝܳܐ ܒܰܠܚܽܘܕܰܝ ܒܫܶܠܝܳܐ ܬܰܥܡܪܰܢܝ̱.