Psalms 52
The Book of Psalms
܀ ܡܙܡܘܪܐ ܢܒ ܀
ܥܰܠ ܥܰܘܳܠܽܘܬܶܗ ܘܡܰܪܳܚܽܘܬܶܗ ܕܒܰܪ̈ܫܳܩܶܐ ܕܚܰܣܶܕ ܠܚܶܙܰܩܝܳܐ
1 ܠܡܳܢܳܐ ܡܶܫܬܰܒܗܰܪ ܐܰܢ̱ܬ ܒܒܺܝܫܬܳܐ ܓܰܢ̱ܒܳܪܳܐ. ܘܥܰܠ ܡܚܰܣܝܳܐ ܟܽܠܝܽܘܡ ܥܰܘܠܳܐ ܡܶܬܚܰܫܰܒ ܠܶܫܳܢܳܟ.
2 ܘܰܐܝܟ ܡܕܰܟܝܳܐ ܕܰܠܛܺܝܫ ܥܒܰܕܬ ܢܶܟܠܳܐ.
3 ܪܚܶܡܬ ܒܺܝ̈ܫܳܬܳܐ ܡܶܢ ܛܳܒ̈ܳܬܳܐ. ܘܕܰܓܳܠܽܘܬܳܐ ܡܶܢ ܡܰܡܠܠܳܐ ܕܙܰܕܺܝܩܽܘܬܳܐ.
4 ܪܚܶܡܬ ܠܟܽܠ ܕܰܡܡܰܠܠܺܝܢ ܥܰܘܠܳܐ ܘܰܠܠܶܫ̈ܳܢܶܐ ܢܰܟܽܘ̈ܠܬܳܢܶܐ.
5 ܡܶܛܽܠ ܗܳܢܳܐ ܐܰܠܳܗܳܐ ܢܶܥܩܪܺܝܘܗ̱ܝ. ܘܢܶܣܚܦܺܝܘܗ̱ܝ ܠܥܳܠܰܡ ܡܶܢ ܡܰܫܟܢܶܗ. ܘܥܶܩܳܪܶܗ ܡܶܢ ܐܰܪܥܳܐ ܕܚܰܝ̈ܶܐ.
6 ܘܢܶܚܙܽܘܢ ܙܰܕܺܝ̈ܩܶܐ ܘܢܶܚܕܽܘܢ. ܘܰܢܣܰܒܪܽܘܢ ܒܡܳܪܝܳܐ.
7 ܘܢܺܐܡܪܽܘܢ ܕܗܳܢܰܘ ܓܰܒܪܳܐ ܕܠܳܐ ܥܒܰܕ ܠܰܐܠܳܗܳܐ ܬܽܘܟܠܳܢܶܗ. ܐܶܠܳܐ ܐܶܬܬܟܶܠ ܥܰܠ ܣܽܘܓܳܐܐ ܕܥܽܘܬܪܶܗ ܘܶܐܬܬܪܺܝܡ ܒܩܶܢܝܳܢܶܗ.
8 ܘܶܐܢܳܐ ܐܰܝܟ ܙܰܝܬܳܐ ܡܫܰܒܚܳܐ ܒܒܰܝܬܶܗ ܕܰܐܠܳܗܳܐ. ܣܰܒܪܶܬ ܒܛܰܝܒܽܘܬܶܗ ܕܰܐܠܳܗܳܐ ܠܥܳܠܰܡ ܘܰܠܥܳܠܰܡ ܥܳܠܡܺܝܢ.
9 ܐܰܘܕܶܐ ܠܳܟ ܠܥܳܠܰܡ ܕܰܥܒܰܕܬ. ܘܶܐܣܰܒܰܪ ܫܡܳܟ ܠܕܳܪܕܳܖ̈ܺܝܢ ܠܽܘܩܒܰܠ ܙܰܕܺܝ̈ܩܰܝܟ.